Connect with us

കേരളം

വയനാട്ടിൽ മാത്രമല്ല, രാഗാ തരംഗം കേരളമാകെ ആഞ്ഞടിച്ചു; കേരളം തൂത്തുവാരി യുഡിഎഫ്

Published

on

കോൺഗ്രസ് അധ്യക്ഷൻ രാഹുൽ ഗാന്ധിയുടെ സ്ഥാനാർത്ഥിത്വം വയനാട്ടിൽ മാത്രമല്ല, കേരളത്തിലാകെ യുഡിഎഫിന് അനുകൂല സാഹചര്യമൊരുക്കുകയായിരുന്നു. വയനാട്ടിൽ വൈകിയെത്തി കേരളം പിടിച്ചെടുത്ത് രാഹുൽ യുഡിഎഫിന് നൽകിയ കാഴ്ചയാണ് വോട്ടെണ്ണൽ ആരംഭിച്ച് മണിക്കൂറുകൾ പിന്നിട്ടപ്പോൾ മുതൽ വ്യക്തമായിത്തുടങ്ങിയത്. രാവിലെ എട്ടു മണിക്ക് വോട്ടെണ്ണൽ ആരംഭിച്ച് രണ്ട് മണിക്കൂറോളം പിന്നിട്ടപ്പോൾ സ്‌ക്രീനിൽ ഇരുപത് മണ്ഡലങ്ങൾക്ക് നേരെ നിറഞ്ഞത് യുഡിഎഫിന്റെ സ്ഥാനാർത്ഥികളാണ്. രാഗാ തരംഗം മാത്രമല്ല, ശബരിമല സ്ത്രീ പ്രവേശന വിഷയത്തിൽ സർക്കാർ സ്വീകരിച്ച നിലപാടും യുഡിഎഫിന് അനുകൂല സാഹചര്യം ഒരുക്കുകയായിരുന്നു.
രാഹുൽ ഗാന്ധിയുടെ സ്ഥാനാർത്ഥി പ്രഖ്യാപനം കോൺഗ്രസ് വളരെയധികം ആലോചിച്ചെടുത്ത തീരുമാനമായിരുന്നു. അമേഠിയിൽ സ്മൃതി ഇറാനിയോട് പരാജയപ്പെട്ടാലും മറ്റൊരു മണ്ഡലത്തിൽ രാഹുലിന്റെ വിജയം കോൺഗ്രസിന് ഉറപ്പാക്കണമായിരുന്നു. അതിന് ഏറ്റും സുരക്ഷിതമായ ഒരു മണ്ഡലം തന്നെ കോൺഗ്രസ് തെരഞ്ഞെടുത്തു. രാഹുലിന് വേണ്ടി എന്തുകൊണ്ട് വയനാട് തെരഞ്ഞെടുത്തു എന്നതിന് ഇനിയും കൃത്യമായ ഉത്തരമില്ല. കോൺഗ്രസിനെ സംബന്ധിച്ചിടത്തോളം രാഹുലിന് ഒരു സുരക്ഷിത ഇടം, അതോടൊപ്പം കേരളത്തിൽ യുഡിഎഫിന് അനുകൂലമായ സാഹചര്യം ഒരുക്കുക എന്നതുമാണ് പ്രധാനമായും ലക്ഷ്യംവെച്ചത്. രാഹുൽ ഗാന്ധിയുടെ സ്ഥാനാർത്ഥിത്വം ഏറ്റവും അധികം സ്വാധീനിക്കുക എട്ടു മണ്ഡലങ്ങളെ ആയിരിക്കുമെന്നാണ് വോട്ടെണ്ണലിന് ദിവസങ്ങൾക്ക് മുൻപ് വിലയിരുത്തപ്പെട്ടത്. രാഹുൽ സ്ഥാനാർത്ഥിയായി എത്തിയ വയനാട്, കാസർഗോഡ്, കണ്ണൂർ, വടകര, കോഴിക്കോട്, മലപ്പുറം, പൊന്നാനി, ഇടുക്കി എന്നിവയായിരുന്നു ആ മണ്ഡലങ്ങൾ. എന്നാൽ ആദ്യ സൂചനകൾ പുറത്തുവന്നപ്പോൾ തന്നെ മറ്റ് മണ്ഡലങ്ങളിൽ കൂടി രാഹുലിന്റെ സാന്നിദ്ധ്യം സ്വാധീനം ചെലുത്തിയെന്ന് വ്യക്തമാകും. പാലക്കാട്, ആലത്തൂർ മണ്ഡലങ്ങളിൽ സിറ്റിംഗ് എംപിമാരെ താഴെയിറക്കി യുഡിഎഫ് സ്ഥാനാർത്ഥികൾ ഒന്നാമതെത്തി. മറ്റു മണ്ഡലങ്ങളുടെ കാര്യത്തിൽ വ്യത്യസ്തത അനുഭവപ്പെടാത്തതിന് കാരണവും രാഗാ തരംഗം തന്നെയാണ്. ചില മണ്ഡലങ്ങളിൽ സ്ഥാനാർത്ഥികളുടെ വ്യക്തി പ്രഭാഗം വോട്ടുനില കൂട്ടിയിട്ടുണ്ടെന്നും കൂട്ടിച്ചേർക്കേണ്ടിയിരിക്കുന്നു. എന്നാൽ യുഡിഎഫിന്റെ ഇത്ര വലിയൊരു മുന്നേറ്റത്തിന് പിന്നിൽ രാഹുലിന്റെ വ്യക്തിപ്രഭാവം തന്നെയാണ് പ്രധാനഘടകമായതെന്ന് വിലയിരുത്തേണ്ടിയിരിക്കുന്നു. നിലവിൽ സംസ്ഥാന ചരിത്രത്തിൽ ആദ്യമായി മൂന്ന് ലക്ഷം ലീഡ് നേടിയിരിക്കുകയാണ് രാഹുൽ ഗാന്ധി.

Advertisement
Click to comment

Leave a Reply

Your email address will not be published. Required fields are marked *

കേരളം

ബിനോയ് കോടിയേരിക്ക് എതിരായ പീഡനാരോപണം ഗൗരവമേറിയത്; സത്യാവസ്ഥ പുറത്തു കൊണ്ടുവരണം: രമേശ് ചെന്നിത്തല

Published

on

By

തിരുവനന്തപുരം: സിപിഎം സംസ്ഥാന സെകട്ടറി കോടിയേരി ബാലകൃഷ്ണന്റെ മകന്‍ ബിനോയിക്കെതിരായ സ്ത്രീപീഡന പരാതി ഗൗരവമേറിയ വിഷയമാണെന്നും അന്വേഷണം ഉടന്‍ പൂര്‍ത്തിയാക്കണമെന്നും പ്രതിപക്ഷ നേതാവ് രമേശ് ചെന്നിത്തല പറഞ്ഞു. സത്യാവസ്ഥ ജനങ്ങളുടെ മുന്നില്‍ ബോധ്യപ്പെടുത്തണമെന്നും മാധ്യമങ്ങളോട് പ്രതികരിക്കവേ രമേശ് ചെന്നിത്തല പറഞ്ഞു.
സിപിഎമ്മിന്റെ അപചയമാണ് ഇത്തരം പരാതികള്‍ കാണിക്കുന്നത്. ഡെന്മാര്‍ക്കില്‍ എന്തോ ചീഞ്ഞു നാറുന്നു എന്ന് പറയുന്നത് പോലെ സിപിഎമ്മില്‍ എന്തൊക്കെയോ ചീഞ്ഞു നാറുന്നുണ്ട്. സത്യസന്ധമായ അന്വേഷണം നടത്തി വസ്തുതകള്‍ എത്രയും വേഗം പുറത്തു കൊണ്ടുവരണമെന്ന് രമേശ് ചെന്നിത്തല പറഞ്ഞു.

Continue Reading

കേരളം

ബിനോയ് കോടിയേരിക്കെതിരായ പീഡന പരാതി; മുംബൈ പോലീസ് കണ്ണൂരിലെത്തി

Published

on

By

കണ്ണൂർ: ബിനോയ് കോടിയേരിക്കെതിരായ പീഡന പരാതിയിൽ അന്വേഷണത്തിനായി മുംബൈ പൊലീസ് കണ്ണൂരിലെത്തി. ബിനോയിയോട് പൊലീസിന് മുന്നിൽ ഹാജരാകാൻ നിർദ്ദേശമുണ്ട്. മുംബൈയിൽ നിന്നുള്ള രണ്ട് പൊലീസ് ഉദ്യോഗസ്ഥരാണ് കണ്ണൂരിലെത്തിയത്.
ഇന്ന് ഉച്ചയോട് കൂടിയാണ് രണ്ടംഗ സംഘം കണ്ണൂരിലെത്തിയത്. ഓഷ്വാര സ്‌റ്റേഷനിൽ നിന്നുള്ള സംഘമാണ് കണ്ണൂരിലെത്തിയത്. എസ്‌ഐ വിനായക് ജാദവ്, ദയാനന്ദ് പവാർ എന്നിവരാണ് എത്തിയിരിക്കുന്നത്. കണ്ണൂർ എസ്പി പ്രതീഷ് കുമാറുമായി ഇവർ കൂടിക്കാഴ്ച്ച നടത്തിക്കൊണ്ടിരിക്കുകയാണ്.

Continue Reading

കേരളം

മക്കള്‍ ചെയ്യുന്ന തെറ്റിന് പിതാവിനെയും പ്രസ്ഥാനത്തെയും ക്രൂശിക്കുന്നതെന്തിന്; മന്ത്രി എ കെ ബാലന്‍

Published

on

By

തിരുവനന്തപുരം: സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകന്‍ ബിനോയ് കോടിയേരിക്കെതിരായ സ്ത്രീ പീഡനക്കേസില്‍ മുംബൈ പൊലീസ് നടപടി തുടങ്ങിയതില്‍ പ്രതികരിക്കാതെ മുഖ്യമന്ത്രി പിണറായി വിജയന്‍. വിഷയത്തില്‍ കോടിയേരിയും ഇതുവരെ പ്രതികരിച്ചിട്ടില്ല. അതേസമയം, വിഷയം ചര്‍ച്ച ചെയ്യേണ്ടത് തന്നെയാണെന്നും എന്നാല്‍ മക്കള്‍ ചെയ്യുന്ന തെറ്റിന് ഒരു നേതാവിനെ ക്രൂശിക്കുന്നത് എന്തിനാണെന്നുമായിരുന്നു മന്ത്രി എ കെ ബാലന്റെ പ്രതികരണം.

”ഏതെങ്കിലുമൊരു വ്യക്തിയുമായോ ഒരു പാര്‍ട്ടിയുമായോ ഇതിനെ കൂട്ടിക്കെട്ടേണ്ട കാര്യമില്ല. അതുകൊണ്ട് കുട്ടികളെന്തെങ്കിലും ചെയ്യുന്നതിന്റെ ഭാഗമായിട്ട് ഒരു നേതാവിനെയോ പ്രസ്ഥാനത്തെയോ ക്രൂശിക്കുന്നതോ, കോര്‍ണര്‍ ചെയ്യുന്നതോ ഗുണമുള്ള കാര്യമല്ല”, എ കെ ബാലന്‍ പറഞ്ഞു.

അതേസമയം കേസില്‍ ബിനോയ് കോടിയേരിയോട് മൂന്ന് ദിവസത്തിനകം ചോദ്യം ചെയ്യലിന് ഹാജരാവണമെന്ന് മുംബൈ പൊലീസ് നിര്‍ദേശിച്ചു.അതിനിടെ ബിനോയ് മുന്‍കൂര്‍ ജാമ്യത്തിന് ശ്രമിക്കുന്നതായും സൂചനയുണ്ട്.

നിലവില്‍ യുവതിയുടെ പരാതിയില്‍ മുംബൈ പൊലീസ് തെളിവുകള്‍ ശേഖരിച്ചുകൊണ്ടിരിക്കുകയാണ്. പരാതിക്കാരിയുടെ കൈവശമുണ്ടെന്ന് അവകാശപ്പെടുന്ന ഡിജിറ്റല്‍ തെളിവുകള്‍ പൊലീസ് പരിശോധിക്കും. ബിനോയിയുമായുള്ള വാട്സ് ആപ് സന്ദേശങ്ങളാണ് ഇതില്‍ പ്രധാനം. കൂടാതെ ഫോട്ടോകള്‍ അടക്കമുള്ള തെളിവുകളും യുവതിയുടെ കൈവശമുണ്ടെന്നാണ് വിവരം.

Continue Reading
Advertisement

Polls

ഈ ക്രിസ്മസ് കാലത്ത് നിങ്ങൾ ഏറ്റവും കൂടുതൽ കാത്തിരിക്കുന്ന ചിത്രം ഏത്?

View Results

Loading ... Loading ...
പ്രധാന വാർത്തകൾ3 weeks ago

അമിത് ഷാ ആഭ്യന്തര സഹമന്ത്രി ആയിരുന്ന കാലത്ത് ഗുജറാത്തിൽ കസ്റ്റഡി മരണങ്ങളുടെയും ഏറ്റുമുട്ടൽ കൊലപാതകങ്ങളുടെയും പൂക്കാലമായിരുന്നു; അഡ്വ: ജയശങ്കർ

കേരളം7 days ago

കൈയിൽ മൂന്ന് രൂപ മാത്രമേ ഉള്ളൂ; കണ്‍സഷന്‍ ചോദിച്ച വിദ്യാർത്ഥിനിയെ പെരുമഴയത്ത് വഴിയിൽ ഇറക്കിവിട്ട് സ്വകാര്യ ബസ് കണ്ടക്ടര്‍

പ്രധാന വാർത്തകൾ3 weeks ago

സ്മൃതി ഇറാനിയുടെ സഹായിയുടെ കൊലപാതകത്തില്‍ വഴിത്തിരിവ്: കൊല നടത്തിയത് ബി.ജെ.പിക്കാര്‍ തന്നെ; മൂന്നു പ്രവര്‍ത്തകര്‍ അറസ്റ്റിൽ

പ്രധാന വാർത്തകൾ4 weeks ago

ചൈനീസ് മൊബൈൽ നിർമ്മാതാക്കളായ വാവെയുടെ പ്രോഡക്റ്റുകൾ അമേരിക്കയിൽ നിരോധിക്കും എന്ന അമേരിക്കൻ പ്രസിഡന്റ് ഡൊണാൾഡ് ട്രംപിന്റെ ഭീഷണിക്ക് പിന്നാലെ അമേരിക്കൻ കമ്പനി ആപ്പിളിന്റെ പ്രോഡക്റ്റുകൾ ചൈനയിൽ നിരോധിച്ച് ചൈനീസ് സർക്കാർ

പ്രധാന വാർത്തകൾ4 weeks ago

വോട്ടിങ് മെഷീന്‍റെ സഹായത്തോടെ ബി.ജെ.പി തെരഞ്ഞെടുപ്പ് ഹൈജാക്ക് ചെയ്തു; മായാവതി 

Trending