Connect with us

International

ജെയ്ഷെ മുഹമ്മദ് ഭീകര നേതാവ് മസൂദ് അസ്ഹറിൻ്റെ ആസ്തികൾ മരവിപ്പിക്കുമെന്ന് ഫ്രാൻസ്

Published

on

പാരിസ്: പാക് ഭീകരസംഘടന ജയ്ഷെ മുഹമ്മദിന്റെ സ്ഥാപക നേതാവ് മസൂദ് അസ്ഹറിന്റെ ഫ്രാന്‍സിലെ ആസ്തികള്‍ മരവിപ്പിക്കാന്‍ ഫ്രഞ്ച് ഭരണകൂടം തീരുമാനിച്ചു. മസൂദ് അസ്ഹറിനെ ആഗോളഭീകരനായി പ്രഖ്യാപിക്കാനുള്ള യുഎന്‍ പ്രമേയത്തെ ചൈന എതിര്‍ത്തതോടെ കടുത്ത നടപടികള്‍ എടുക്കാന്‍ ലോകരാജ്യങ്ങള്‍ തീരുമാനിച്ചിരുന്നു. അതിനു പിന്നാലെയാണ് ഫ്രാന്‍സിന്റെ നടപടി.
ഫ്രഞ്ച് ആഭ്യന്തര വകുപ്പും ധനവകുപ്പും വിദേശകാര്യ വകുപ്പും സംയുക്തമായി പുറത്തിറക്കിയ പ്രസ്താവനയിലാണ് മസൂദ് അസ്ഹറിന്റെ ആസ്തികള്‍ മരവിപ്പിക്കാന്‍ തീരുമാനിച്ചതായി അറിയിച്ചിരിക്കുന്നത്. ഭീകരപ്രവര്‍ത്തനം നടത്തുന്നുവെന്ന് സംശയിക്കുന്നവരെക്കുറിച്ച് യൂറോപ്യന്‍ യൂണിയന്‍ തയാറാക്കുന്ന പട്ടികയില്‍ മസൂദിനെ ഉള്‍പ്പെടുത്തുന്നതിനെക്കുറിച്ച് ആലോചിക്കുമെന്നും ഫ്രാന്‍സ് അറിയിച്ചു.
കഴിഞ്ഞ ദിവസം യുഎന്‍ രക്ഷാസമിതിയില്‍ മസൂദിനെതിരെ അവതരിപ്പിച്ച പ്രമേയം ചൈന എതിര്‍ത്തിരുന്നു.ഇനിയും മസൂദിനെ അനുകൂലിക്കുന്ന നിലപാട് ചൈന തുടരുകയാണെങ്കില്‍ മറ്റു നടപടികള്‍ സ്വീകരിക്കാന്‍ നിര്‍ബന്ധിതമാകുമെന്ന് യുഎന്‍ രക്ഷാസമിതിയിലെ നയതന്ത്ര പ്രതിനിധികള്‍ കഴിഞ്ഞ ദിവസം വ്യക്തമാക്കിയിരുന്നു.

Advertisement
Click to comment

Leave a Reply

Your email address will not be published. Required fields are marked *

International

അറേബ്യൻ എഴുത്തുകാരി ജോഖ അൽഹാർത്തിക്ക് മാൻ ബുക്കർ പുരസ്‌കാരം

Published

on

By

ഈ വർഷത്തെ മാൻ ബുക്കർ പുരസ്‌കാരം അറേബ്യൻ എഴുത്തുകാരിയായ ജോഖ അൽഹാർത്തിക്ക്. ‘സെലസ്റ്റിയൽ ബോഡീസ്’ എന്ന നോവലിനാണ് പുരസ്‌കാരം. ബുക്കർ ഇന്റർനാഷണൽ പുരസ്‌കാരം നേടുന്ന ആദ്യ അറേബ്യൻ എഴുത്തുകാരിയാണ് അൽഹാർത്തി. 50,000 പൗണ്ട് (ഏകദേശം 44.31 ലക്ഷം രൂപ)യാണ് സമ്മാനത്തുക. നോവൽ ഇംഗ്ലീഷിലേക്ക് മൊഴി മാറ്റിയ മെരിലിൻ ബൂത്തുമായി സമ്മാനത്തുക പങ്കുവെയ്ക്കും. 2010 ൽ പ്രസിദ്ധീകരിച്ച ലേഡീസ് ഓഫ് മൂൺ ആണ് അൽഹാത്തിയുടെ ആദ്യ പുസ്തകം.

Continue Reading

International

ബ്രെക്‌സിറ്റ്: പുതുക്കിയ കരാര്‍ അടുത്തമാസം പാര്‍ലമെന്റില്‍ അവതരിപ്പിക്കുമെന്ന് തെരേസാ മേ

Published

on

By

ലണ്ടന്‍ : വോട്ടിംഗിനു എംപിമാര്‍ക്ക് അവസരം നല്‍കുന്ന വ്യവസ്ഥ പുതുക്കിയ ബ്രെക്‌സിറ്റ് കരാറില്‍ ഉള്‍പ്പെടുത്തുമെന്നു പ്രധാനമന്ത്രി തെരേസാ മേ. യൂറോപ്യന് യൂണിയനുമായി താത്കാലിക കസ്റ്റംസ് കരാര്‍, പരിസ്ഥിതി പ്രശ്‌നം, ജോലിക്കാരുടെ അവകാശങ്ങള്‍ തുടങ്ങി നിരവധി കാര്യങ്ങള്‍ പുതുക്കിയ കരാറില്‍ ഉള്‍പ്പെടുത്തിയിട്ടുണ്ട്. യൂറോപ്യന് യൂണിയനില്‍നിന്നുള്ള വിടുതല്‍(ബ്രെക്‌സിറ്റ്) പൂര്‍ത്തിയാക്കാന്‍ കഴിയുന്നതെല്ലാം ചെയ്‌തെന്നു പറഞ്ഞ മേ ഇത് അവസാന ചാന്‍സാണെന്നും ചൂണ്ടിക്കാട്ടി.
ബ്രെക്‌സിറ്റ് കരാര്‍ പാസാക്കിയാല്‍ രാജിവയ്ക്കാമെന്നും താന്‍ പറഞ്ഞിട്ടുണ്ടെന്ന് മേ ഓര്‍മിപ്പിച്ചു. പുതുക്കിയ കരാര്‍ അടുത്തമാസം പാര്‍ലമെന്റില്‍ അവതരിപ്പിക്കാനാണു പദ്ധതി. മേ കൊണ്ടുവന്ന ബ്രെക്‌സിറ്റ് കരാര്‍ മൂന്നുവട്ടം പാര്‍ലമെന്റ് തള്ളിയിരുന്നു. കരാര്‍ പാസാക്കാനുള്ള അവസാന ശ്രമമെന്ന നിലയിലാണ് ഏതാനും ഭേദഗതികള്‍ വരുത്തി പുതിയ കരാര്‍ കൊണ്ടുവരുന്നതെന്ന് മേ എംപിമാരുടെ യോഗത്തില്‍ പറഞ്ഞിരുന്നു.

Continue Reading

International

ഭയപ്പെടുത്താമെന്ന് ഒരിക്കലും കരുതേണ്ട, യുദ്ധം ആഗ്രഹിക്കുന്നുവെങ്കില്‍ അന്ത്യമായിരിക്കും; ഇറാന് ശക്തമായ മുന്നറിയിപ്പുമായി ട്രംപ്

Published

on

By

വാഷിങ്ടണ്‍: അമേരിക്കന്‍ താല്‍പര്യങ്ങളെ ആക്രമിച്ചാല്‍ ഇറാനെ തകര്‍ക്കുമെന്ന മുന്നറിയിപ്പുമായി യുഎസ് പ്രസിഡന്റ് ഡോണള്‍ഡ് ട്രംപ്. ഇറാനെതിരേ അമേരിക്ക യുദ്ധത്തിന് കോപ്പുകൂട്ടുന്നതിനിടെയാണ് ഇറാന് മുന്നറിയിപ്പുമായി യുഎസ് പ്രസിഡന്റിന്റെ ട്വീറ്റ്. ഇറാന്‍ യുദ്ധത്തിന് ശ്രമിച്ചാല്‍ അത് ഇറാന്റെ ഔദ്യോഗിക അന്ത്യമായിരിക്കുമെന്നും യുഎസിനെ ഭയപ്പെടുത്താമെന്ന് ഒരിക്കലും കരുതേണ്ടെന്നും അദ്ദേഹം ട്വിറ്ററില്‍ കുറിച്ചു. ഇറാനുമായി യുദ്ധത്തിനില്ലെന്ന് വിദേശ സെക്രട്ടറി മൈക് പൊംപേയോ വ്യക്തമാക്കിയതിന് തൊട്ടുപിന്നാലെയാണ് ട്രംപിന്റെ ട്വീറ്റ്. ഇറാന്‍ ഒരു സാധാരണ രാജ്യത്തെ പോലെ പെരുമാറണം. അമേരിക്കന്‍ താത്പര്യങ്ങള്‍ ആക്രമിക്കപ്പെട്ടാല്‍ പ്രതികരിക്കുമെന്നും പൊംപേയോ വ്യക്തമാക്കി. ഇരു രാജ്യങ്ങള്‍ക്കുമിടയില്‍ അസ്വാരസ്യങ്ങള്‍ കൂടുന്നതിനടെ റഷ്യയില്‍ വെച്ചാണ് വിദേശകാര്യ സെക്രട്ടറിയുടെ പ്രതികരണം. അമേരിക്കയുമായി യുദ്ധത്തിനില്ലെന്ന് ഇറാന്‍ പരമോന്നത നേതാവ് അയത്തുള്ള അലി ഖാംമനയിയും പ്രഖ്യാപിച്ചിരുന്നു. എന്നാല്‍, മേഖലയില്‍ ഇറാന്റെ ‘ഭീഷണി’ നിലനില്‍ക്കുന്നുവെന്ന് ആരോപിച്ച് യുദ്ധവാഹിനി കപ്പലുകളും ബി-52 ബോംബറുകളും ഗള്‍ഫില്‍ വിന്യസിച്ചതിനു പിന്നാലെയാണ് വാഷിങ്ടണും തെഹ്‌റാനുമിടയിലെ സംഘര്‍ഷം മൂര്‍ച്ഛിച്ചത്.
കരാര്‍ റദ്ദാക്കിയതിന് ശേഷം അമേരിക്ക ഇറാനുമേല്‍ കൂടുതല്‍ ഉപരോധങ്ങള്‍ ഏര്‍പ്പെടുത്തിയിരുന്നു. ഇറാനില്‍നിന്ന് എണ്ണ ഇറക്കുമതി ചെയ്യുന്ന ഇന്ത്യയടക്കമുള്ള രാജ്യങ്ങള്‍ക്ക് അമേരിക്ക മുന്നറിയിപ്പ് നല്‍കിയിരുന്നു. ഇറാനിലെ റവല്യൂഷനറി ഗാര്‍ഡിനെ യുഎസ് അന്താരാഷ്ട്ര തീവ്രവാദി പട്ടികയില്‍ ഉള്‍പ്പെടുത്തിയതും ബന്ധം വഷളാകാന്‍ കാരണമായി.

Continue Reading
Advertisement

Polls

ഈ ക്രിസ്മസ് കാലത്ത് നിങ്ങൾ ഏറ്റവും കൂടുതൽ കാത്തിരിക്കുന്ന ചിത്രം ഏത്?

View Results

Loading ... Loading ...

Trending