Connect with us

പ്രധാന വാർത്തകൾ

കോളേജ് വിദ്യാർത്ഥികളെ തീവ്രവാദികളാക്കി വ്യാജ വാർത്ത: ജനം ടിവിക്കെതിരെ സോഷ്യൽ മീഡിയയിൽ ബഹിഷ്കരണാഹ്വാനം

Published

on

വർക്കല CHMM കോളേജിലെ വിദ്യാർത്ഥികൾ കറുപ്പ് വസ്ത്രങ്ങളണിഞ്ഞു ആന്വൽ ഡേ ആഘോഷിച്ചത് ഐഎസ് അനുകൂല പ്രകടനമാക്കി ചിത്രീകരിച്ചു വ്യാജ വാർത്ത ചമച്ചതിനെതിരെ ബിജെപി അനുകൂല ചാനലായ ജനം ടിവിക്കെതിരെ പ്രതിഷേധം മുറുകുന്നു. കോളേജിൽ മാർച്ച് 14ന് നടന്ന ആന്വൽ ഡേ ആഘോഷമാണ് ജനം ടിവി ഐഎസ്-അൽഖയ്ദ പ്രകടനമാക്കി വാർത്തയാക്കിയത്. ദേശീയ അവാർഡ് ജേതാവും പ്രമുഖ മലയാള സിനിമാ നടനുമായ സലീം കുമാറിനെ സ്വീകരിക്കാൻ വേണ്ടിയായിരുന്നു വിദ്യാർത്ഥികളെല്ലാം കറുത്ത വസ്ത്രങ്ങളണിഞ്ഞത് എന്ന് സലീം കുമാർ തന്നെ വ്യക്തമാക്കിയതോടെയാണ് ജനം ടിവിയുടെ വ്യാജ ആരോപണം പൊളിഞ്ഞത്.

മുസ്ലിംകൾക്ക് ജീവിക്കാൻ പറ്റാത്ത സ്ഥിതിയാണ് എന്നായിരുന്നു വാർത്തയ്‌ക്കെതിരെ സലീം കുമാറിന്റെ പ്രതികരണം. ജനം ടിവിയെയും ജനം ടിവിയെ സ്പോൺസർ ചെയ്യുന്ന കമ്പനികളെയും ബഹിഷ്കരിക്കുമെന്നാണ് വിവിധ മതേതര സംഘടനകൾ അറിയിച്ചിരിക്കുന്നത്. ജനം ടിവി വ്യാജ വാർത്തകൾ ചമയ്ക്കുന്നത് പുതിയ കാര്യമല്ലെങ്കിലും പാവപ്പെട്ട വിദ്യാർത്ഥികളുടെ ഭാവി തുലയ്ക്കുന്ന തരത്തിലുള്ള വ്യാജ വാർത്ത പൊതുജനങ്ങളെ ചൊടിപ്പിച്ചിട്ടുണ്ട്.

ജനം ടിവിയുടെ വാർത്തയ്ക്ക് പിന്നാലെ ഐഎസ് പതാകകൾ സംഘ് പരിവാർ സംഘടനകൾ അഗ്നിക്കിരയാക്കിയിരുന്നു. പക്ഷേ  ഇതും അവർക്ക് പ്രതികൂലമായി ഭവിക്കുന്ന തരത്തിലാണ് മുന്നോട്ട് പോയിക്കൊണ്ടിരിക്കുന്നത്. ഐഎസ് പതാക ഇത്ര പെട്ടെന്ന് എങ്ങനെ സംഘ് പരിവാർ പ്രവർത്തർക്ക് ലഭിച്ചു എന്നതിനെക്കുറിച്ചു പോലീസ് അന്വേഷണം ആരംഭിച്ചിട്ടുണ്ടെന്നാണ് പോലീസ് വൃത്തങ്ങളിൽ നിന്നുള്ള സൂചന. പതാക സംഘ് പരിവാർ പ്രവർത്തകർ തന്നെ നിർമിച്ചതാണെന്നും സംശയമുണ്ട്. അങ്ങനെയെങ്കിൽ അതിന്റെ ദുരുപയോഗ സാധ്യതകളെക്കുറിച്ചും പോലീസ് അന്വേഷിച്ചേക്കും.

Advertisement
Click to comment

Leave a Reply

Your email address will not be published. Required fields are marked *

പ്രധാന വാർത്തകൾ

സോഷ്യല്‍ മീഡിയയെ ആധാറുമായി ബന്ധിപ്പിക്കല്‍: ഉടന്‍ നിലപട് അറിയിക്കണമെന്ന് കേന്ദ്രത്തോട് സുപ്രീം കോടതി.

Published

on

By

ന്യൂഡല്‍ഹി: സോഷ്യല്‍ മീഡിയ അക്കൗണ്ടുകള്‍ ആധാറുമായി ബന്ധിപ്പിക്കുന്നത് സംബന്ധിച്ച് ഉടന്‍ നിലപാട് അറിയിക്കണമെന്ന് കേന്ദ്ര സര്‍ക്കാറിനോട് സുപ്രീം കോടതി. സോഷ്യല്‍ മീഡിയയെ നിയന്ത്രിക്കുന്നതിനും സോഷ്യല്‍ മീഡിയ അക്കൗണ്ടുകള്‍ ആധാറുമായി ബന്ധിപ്പിക്കുന്നതിനുമായി എന്തെങ്കിലും നയം രൂപീകരിക്കുന്നതിനെ കുറിച്ച് ആലോചിക്കുന്നുണ്ടോയെന്നും ജസ്റ്റിസ് ദീപക് ഗുപ്ത അധ്യക്ഷനായ ബഞ്ച് സര്‍ക്കാറിനോട് ആരാഞ്ഞു. ഇതുമായി ബന്ധപ്പെട്ട് വിവിധ ഹൈക്കോടതികളിലുള്ള ഹര്‍ജികള്‍ സുപ്രീം കോടതിയിലേക്ക് മാറ്റണമെന്ന് ആവശ്യപ്പെട്ട് ഫേസ്ബുക്ക് സമര്‍പ്പിച്ച ഹര്‍ജിയിലാണ് കോടതിയുടെ നിരീക്ഷണം. കേസില്‍ സെപ്റ്റംബര്‍ 24 ന് കോടതി വീണ്ടും വാദം കേള്‍ക്കും.

  1. വിവിധ ഹൈക്കോടതികള്‍ പല തരത്തിലുള്ള വിധി പ്രഖ്യാപനം നടത്തുന്നത് ഒഴിവാക്കാന്‍ ഹരജികള്‍ ഒരു കോടതി പരിഗണിക്കുന്നത് സഹായിക്കുമെന്ന് ഫസ്ബുക്ക് ചൂണ്ടിക്കാണിച്ചു. ഇതുമായി ബന്ധപ്പെട്ട് മദ്രാസ് ഹൈക്കോടതിയില്‍ രണ്ട് അപേക്ഷകളും ബോംബെ, മധ്യപ്രദേശ് ഹൈക്കോടതികളില്‍ ഒന്ന് വീതവും സമര്‍പ്പിച്ചതായി ഫേസ്ബുക്ക് അറിയിച്ചു. സോഷ്യല്‍ മീഡിയ അക്കൗണ്ടുകള്‍ പ്രാമാണീകരിക്കുന്നതിന് ആധാര്‍ അല്ലെങ്കില്‍ മറ്റേതെങ്കിലും സര്‍ക്കാര്‍ അംഗീകൃത ഐഡന്റിറ്റി പ്രൂഫ് നിര്‍ബന്ധമാക്കണമെന്ന് ആവശ്യപ്പെട്ടുള്ളതാണ് ഈ ഹര്‍ജികള്‍ എല്ലാം.വിവിധ ഹൈക്കോടതികളിലെ നടപടികള്‍ സ്റ്റേ ചെയ്യണമെന്ന് ആവശ്യവും ഫേസ്ബുക്ക് ഉന്നയിച്ചു. ഈ ഘട്ടത്തില്‍ നടപടികള്‍ സ്‌റ്റേ ചെയ്തില്ലെങ്കില്‍ പരിഹരിക്കാനാകാത്ത നഷ്ടം നേരിടേണ്ടിവരുമെന്ന് ഫേസ്ബുക്ക് അറിയിച്ചു.
Continue Reading

പ്രധാന വാർത്തകൾ

വിപണിയിലെ മാന്ദ്യം, ലാൻസൻ ടൊയോട്ട ജോയിന്റ് എംഡി വീട്ടിനുള്ളിൽ തൂങ്ങി മരിച്ചു

Published

on

By

തമിഴ്‌നാട്ടിലെ പ്രമുഖ ഓട്ടോമൊബൈൽ ഡീലറായ ലാൻസൻ ടൊയോട്ടയുടെ ജോയിന്റ് എംഡി റീത്ത ലങ്കലിംഗത്തെയാണ് വീട്ടിനുള്ളിൽ തൂങ്ങി മരിച്ച നിലയിൽ കണ്ടെത്തിയത്. വിപണിയിലെ കനത്ത മാന്ദ്യം ഓട്ടോ മൊബൈൽ വ്യാപാരത്തെ സാരമായി ബാധിച്ചതിന്റെ കനത്ത സമ്മർദ്ദമാണ് ആത്മഹത്യയ്ക്ക് കാരണമായതെന്ന് പറയപ്പെടുന്നു. പത്ത് കോടിയോളം ഡോളറിന്റെ ആസ്തിയുള്ള കമ്പനിയായ ലാൻസൻ ടോയോട്ടയ്ക്ക് തമിഴ്നാട്ടിലുടനീളം ഷോറൂമുകളും സർവീസ് സെന്ററുകളുമുണ്ട്. ലാൻസൻ ടൊയോട്ടയുടെ ചെയർമാൻ ലങ്കലിംഗം മുരുകേശനാണ് റീത്തയുടെ ഭർത്താവ്..

Continue Reading

പ്രധാന വാർത്തകൾ

മൂലമ്പള്ളിയിലെ ദരിദ്രരോട് കാണിക്കാത്ത അനുകമ്പ മരടിലെ സമ്പന്ന ഫ്ലാറ്റുടമകളോട്കാട്ടണോ..?!

Published

on

By

തീരദേശ പരിപാലന നിയമം ഉൾപ്പെടെയുള്ള നിയമങ്ങൾ കൊണ്ടുവന്നിരിക്കുന്നത് പാലിക്കാനാണ്..!
സമ്പന്നരെന്നോ, ദരിദ്രരെന്നോ ഇല്ലാതെ #ഇനിവരുന്ന_തലമുറയ്ക്ക്_ഇവിടെ_വാസം_സാധ്യമാക്കാനാണ്..!
അതിനു തുരങ്കം വെക്കുന്ന ഇത്തരം റിയൽ എസ്റ്റേറ്റ് മാഫിയകളേയും, യാതൊരു ഉളുപ്പുമില്ലാതെ ഇത്തരം ഫ്രോഡുകളെ സപ്പോർട്ട് ചെയ്യുന്ന നഗരസഭകളേയും, ഇത്തരക്കാർക്ക് ഓശാന പാടി കൊണ്ട് നിയമത്തിൽ വരെ ഇളവുകൾ #ഒപ്പിച്ചു നൽകുന്ന രാഷ്ട്രീയ കോമരങ്ങളേയും മറ്റും എന്ത് പേര് ചൊല്ലിയാണ് വിളിക്കേണ്ടത്..?
ഇത്തരം സാമൂഹ്യദ്രോഹികളുടെ നിർമ്മാണ അനുമതിക്കും, ഒക്യുപൻസിക്ക് വേണ്ടിയുമൊക്കെ ബഹു.ഹൈക്കോടതിയിലും മറ്റും വീറോടെ വാദിച്ച് സ്വയം തോറ്റ് കൊടുത്ത്, കാലാകാലങ്ങളായി #നിയമ_നിഷേധികളെ മാത്രം വിജയിപ്പിച്ചു
കൊണ്ടിരിക്കുന്ന നഗരസഭകളുടെ #വക്കീലേമാന്മാരെ എന്താ ചെയ്യേണ്ടത്..?
#ഒന്നും_ചെയ്യാനാവില്ലെന്നറിയാം..!
കാരണം, നിയമമെന്ന കൈയാമം നമ്മുടെ കൈകളെ ബന്ധിച്ചിരിക്കുന്നു.
പക്ഷേ ഇങ്ങനെ പോയാൽ..; ആ കൈയാമം #ആയുധമാക്കി ആഞ്ഞടിക്കുന്ന സമയം വിദൂരമല്ല എന്ന് എല്ലാ #മലരുകളും അറിയേണ്ടതുണ്ട് എന്നുമാത്രം തൽകാലം പറയുന്നു.

©shammi thilakan

Continue Reading
Advertisement

Polls

ഈ ക്രിസ്മസ് കാലത്ത് നിങ്ങൾ ഏറ്റവും കൂടുതൽ കാത്തിരിക്കുന്ന ചിത്രം ഏത്?

View Results

Loading ... Loading ...

Trending